നിന്റെ വരികള് എത്രമാത്രം
മൃദുവാണ് .
തൂവല്സ്പര്ശം പോലെ
ഇളം തെന്നലായത്
തഴുകിക്കടന്നു പോകാത്തൊരു
അണുവുമില്ല.
നിന്റെ വരികള്
എത്രമാത്രം പ്രണയാര്ദ്രമാണ്.
ഹൃദയമിടിപ്പില് ജീവതാളമായി
കലരാത്തൊരു രക്തധമിനിയുമില്ല .
നിന്റെ വരികള് ,
എത്രമാത്രം കാമാര്ത്തമാണ് .
പിണയുന്ന രണ്ടുടലുകളില്
ഒന്നു ചേരാന് ഇനിയൊന്നും
ബാക്കിയില്ല .
നിന്റെ വരികള്ക്കെത്രമാത്രം
കൂര്ത്തമുനകളാണ് .
അത് വന്നു തറയാത്തൊരിടവുമില്ല.
ഗോപിനാഥ് കെ .
No comments:
Post a Comment