ഗാന്ധി , വെടിയുണ്ടയിൽ
തുളഞ്ഞു പോയ
ഒരു വെറും പേരല്ല .
എല്ലാ വിയോജിപ്പുകൾക്കിടയിലും
നാം ഒന്നാണെന്ന്
ജീവിതം സമർപ്പിച്ചൊരു
ഉറപ്പാണ് .
ശിഥിലമായൊരു
സമൂഹം സ്വാതന്ത്ര്യത്തിനായി
ഒത്തു ചേർന്ന
ഐക്യത്തിൻെറ പേരാണ്
ഗാന്ധി.
താനൊരു
ഹിന്ദുവാണെന്നുറക്കെപ്പറയുകയും
അതുകൊണ്ടു തന്നെ
മുസ്ലീമായും ,ക്രിസ്ത്യാനിയായും
മനുഷ്യനായും ജീവിച്ചൊരാൾ .
ഹൈന്ദവ വർഗ്ഗീയവാദി
നാഥൂറാം ഗോഡ് സേയുടെ
വെടിയുണ്ടയിൽ
പിടയുമ്പോഴും
അദ്ദേഹമുരുവിട്ട
ഹേ റാം ,ഇന്നു നാം കേൾക്കുന്ന
ജയ്റാം വിളികളല്ല .
വെടിയുണ്ടകൾ നിലയ്ക്കുന്നില്ല .
കലബുർഗി ,ധാബോൽക്കർ
പൻസാരേ ,ഗൗരീ ലങ്കേഷ് ,
ഇന്ത്യക്കു നേരേയും
ഒരു തോക്ക് ഉയർന്നു വരുന്നൂ .
ജാഗ്രത്താവുക .
No comments:
Post a Comment